2018 – finiziun da termagliera

Suenter in bi onn da termagliera vein nus s’ entupau il zercladur per ina finiziun cun ils affons da tuttas gruppas.

Ils “gronds” han astgau ir tras il tscherchel da finiziun, semtgaus dalla menadra Iris. Nus giavischein ad els tut bien per lur futur en scoletta pintga.

viadi da seniors

Il zercladur havein nus organisau ed accumpignau il viadi da seniors, il qual vegn orgaisaus alternond dall’ uniun samaritana e l’ uniun da dunnas. Cun igl auto da posta da duas alzadas puttygen download , essan carrai cun ils seniors enviers Bilten ella fabrica da tschugalata Läderach. Leu havein nus astgau tedlar in interessant referat sur digl origin e dalla producziun da tschugalata. Il temps da cumprar enqual buna caussa ella stizun, ha era buca astgau esser memia cuorts.

Suenter essan carrai vinavon tochen a Weesen sper il lag Rivaun, nua che nus havein gentau ella ustria “Schwert”. Silsuenter ein tut ils seniors vegni accumpignai sil bastiment, per guder in bellezia suentermiezdi da sulegl duront navigar enviers Walenstadt. In grond engraziament alla Sonja per la grondiusa organisaziun.

2018 – cuors da cuschinar indic vegetarian

Il matg 2018 ein in triep dunnas serimnadas per cuschinar ensemen tratgas indic vegeterianas tier „Julia’s Loftkitchen“ a Cuera. Leu ha il cuschiner Amit dall‘ India tradiu a nus ils misteris dalla cuschina dall‘ India. Igl ei stau ina sera fetg varionta cun buna cumpignia en in bellezia ambient.

Alla fin havein nus schizun astgau tedlar la musica traditiunala “Dhrupad” dalla tiara dil cuschinier, la quala el ha sez cantau.