cuors per lungatg mimic

Gia a caschun dalla radunonza generala 2019 havein nus orientau che nus veglien bugen porscher in cuors per lungatg mimic.

Il motiv: Questa han Emanuel e Patricia Nay priu dimora cun ses treis affons a Laax. Ils geniturs ein omisdus suords e communicheschan cun lur affons en lungatg mimic. Emanuel sa leger giu dallas levzas e conversar bein, sia dunna Patricia ei denton visada sil lungatg mimic.

Nus lein dar a Patricia e sia famiglia in bien sentiment el vitg / noss’uniun e selegrein sche Vus separticipeis al cuors.

Termins:
15-09-2020 
22-09-2020
29-09-2020
6-10-2020
mintgamai allas 20.00 – 21.00
(liug da cuors vegn aunc communicaus)

Il cuors ei gratuits e vegn menaus dad Emanuel Nay sez.

Bugen s' inscrivel jeu per il suandont cuors:

cuors da lungatg da mimica*

* caum obligatoric

moviment

Naven digl atun proxim porscha l’Uniun da dunnas ina nova sparta da moviment.
Quei naturalmein sut tut las disposiziuns pretendidas en connex cul virus da Corona.

Bloc 1 – atun:
trenament da gruppa cun Alpean.
(trenament da movibladad e forza).
Entschatta: Mesjamna, ils 23-09-2020 entochen miez december 2020.
Nua: Aula Laax
18:30     55 onns e dapli
19:30     25 – 55 onns
(Partiziun tenor vegliadetgna e cundiziun)

Ulteriuras informaziuns ed annunzias entochen fin uost 2020 sut: www.dunnas-laax.ch/moviment

Dunnas dall’uniun han igl emprem dretg per ina participaziun. Dunnas externas vegnan enscretas en la gliesta da spetga e la confirmaziun suonda all’entschatta dil settember.

Nus selegrein sin bialas uras sportivas.

stad 2020

“Spitgar munta per ils ins temps piars,
per ils auters plascher sil vegnent.”
© Christina Küfner

En quei senn giavischein nus a Vus tuts ina ruasseivla, biala e patgifica stad. Nus selegrein sind speronza pli “grond segls” egl atun.

Pastgas

«Per mintga fluretta,
per mintga verdin,
per mintga larmetta
rugad’en curtgin…

…pil radi sulegl,
pil cont da marvegl,
pils leghers utschals,
per praus ed uals,
per stad, primavera,
per mintga stagiun,
pil frestg dalla sera,
per vent e per tun,
a Ti, o Dieus,
sei engraziau.»
Sur Flurin Darms

Caras dunnas, cun questa pintga fluretta
tarmettein a Vus in mument da speronza e giavischein
a Vus buna sanadad e bialas Pastgas.

Seraina, Rita, Simona