informaziuns generalas 2021/2022

NIEV: Naven digl atun dat ei novas localitads. La vischnaunca politica metta a disposiziun a nus las novas localitads dalla structura dil di. Talas ein vegnidas renovadas igl atun vargau e vegnan aunc engrondidas el decuors dalla stad. Nus selegrein fetg dad astgar duvrar quellas bialas stanzas, ch’ein fetg adattadas per nos pignets e schaian el center dil vitg. Damai che las stanzas vegnan duvradas ils suentermiezdis dalla structura dil di vegnan ils dis e temps da termagliera adattai.

Gis e temps:               

gliendisdis09.00 – 11.00
mardis09.00 – 11.00
venderdis09.00 – 11.00
venderdis (provisoric)13.30 – 15.30

La Scolaviva sa confirmar a nus pér fin matg sch‘ il venderdis suentermiezdi stat a disposiziun per la termagliera. Ord quei motiv sto silmeins in avonmiezdi vegnir indicaus ell’ annunzia.
Entochen che nus vein buca glisch verda per il venderdis suentermiezdi vala aschia ina limita da 30 affons per las gruppas digl avonmiezdi.
Las annunzias vegnan risguardadas tenor datum d‘ entrada. Silsuenter vegn menau ina gliesta da spetga. Vegn il venderdis s.m. vitier, vegn la gliesta da spetga schligiada ed ina 4. gruppa aviarta.

Cuoz:
32 gadas

Nua:
localitads dalla structura dil di (Scolaviva, Via Grava 43)
Access sur il plaz pausa

Tgi:
Per tut ils affons che habiteschan a Laax denter 3 e 5 onns.

Programm:

  • Circa inagada per meins ha la termagliera liug giuadora egl uaul.
  • Inaga ad onn visitein nus il bein puril Scalins a Falera.
  • Tgei che vegn schiglioc aunc purschiu: jamna da scola da skis, til da latiarnas, finiziun

Cuosts:
Pauschal per igl entir onn da termagliera:
affons da commbembras dall‘ uniun da dunnas:  CHF 400.-
affons da buca-commembras: CHF 500.-

La termagliera vegn sustenida finanzialmein dalla vischnaunca politica Laax.
Nossas commembras dall‘ uniun s’engaschan duront igl entir onn a caschun da differentas occurrenzas e projects socials e culturals.

Pagaments:
La fasa d’endisada ella termagliera cuoza entochen fin october. Il quen pigl entir onn da termagliera vegn cunquei tarmess all’entschatta november 2021. La viseta ella termagliera ei aschia ligionta naven dil november.

Vacanzas:
tenor igl urari dalla scola Laax

Cundiziuns:                
Ir cugl affon e vegnir per el ei caussa dils geniturs. Affons ch’ ein s’ annunziai ein obligai da vegnir ella termagliera. Ils affons ein buca segirai entras la termagliera.

Romontsch:                           
Era quest atun purschin nus promoziun da romontsch entras l’ instituziun Wunderfitz + Redeblitz.

Annunzias:
https://www.dunnas-laax.ch/termagliera/2021 entochen fin avrel 2021.