termagliera

L’ uniun da dunnas Laax meina la termagliera dapi varga 20 onns. Ei schai a nus a cor da saver dar als pignets dil vitg quella purschida. Nus selegrein da beneventar ils affons dallas annadas 2015 e 2016 el niev onn da termagliera naven digl atun 2019.

La termagliera possibilitescha ad affons da 3 – 5 onns da rimnar experientschas socialas en ina gruppa e d’ emprender
d’ enconuscher lur conscolarAs.

Ils affons selegran da termagliar cun auters dalla medema posa. Els emprendan cheutras da sefar valer ed anflar lur plaz en ina gruppa. Els emprendan da prender risguard, da gidar in l’auter, acceptar in l’auter e tedlar in sin l’auter. Mo era sescagnar e far pasch s’ auda tier quei che capeta ella gruppa. Cheutras ha Vies affon la pusseivladad d’ augmentar siu scazi da plaids e sias capacitads creativas e motoricas. Las pusseivladads da zambergiar ein selectadas aschia che Vies affon sa sez empruar ora differents materials e diversas tecnicas. Tuttas puschidas sil camp creativ e da giug ein voluntarias. Aschia ha Vies affon la pusseivladad da setrer anavos, observar, viver in agen ritem e prender part da quei che succeda a sia moda e maniera.

Per ordinari vegn plidau romontsch. Cheutras emprendan ils affons da lungatg jester ni tudestg enten giugar il lungatg niev. Romontsch vegn ad esser da grond’ impurtonza per els egl avegnir.

Igl ei explicitamein lubiu che Vus geniturs accumpigneis Vies affon duront termgliera, entochen ch’ el sesenta bein da star persuls cun la gruppa.

Menadra dalla termagliera: Iris Eigenmann Veraguth