2019 – til da latiarnas

Mesjamna, ils 11 da december 2019

Partenza allas 17.00 sil parcadi Plaun dil lag

ruta:
> via Davos Baselgia > Baselgia Parochiala
> via Crest > via Principala > via Streglia > parcadi al lag

Historia:
Raquent dalla historia en Baselgia parochiala entras
Nadia Cathomas dalla biblioteca.

Cant:    
Las canzuns “Latiarna, latiarna” e “Vus glischs splendurei” vegnan cantadas   communablamein en baselgia (cun accumpignament dall’ orgla) e sil parcadi.                         

Canzuns:
Las notas ed in audio per trenar a casa sa vegnir empustaus tier Simona: 076 411 23 00 (Whats App)

Baselgia:
Ils affons da scoletta portan anavon lur latiarnas sin la scala tier il chor e sesan ellas empremas retschas dils bauns.
Tut ils auters affons sesan els bauns culs geniturs e lez ein sez responsabels per lur latiarnas e candeilas.

Stan da vendita:
Stan da bubrondas e suppa/pettas/piziultas per tut ils affons, geniturs ed amitgs.

Nus selegrein sin ina biala, patgifica e communabla sera d’Advent cun Vus tuts.

2019 – finiziun da termagliera

Sco usitau vein nus serrau igl onn da termagliera cun ina pintga fiastetta. Uonn essan nus serendidas ella patria da nossa menadra Iris, sil plaz da giugs Plaun Pigniel.

2019 – jamna da scola da skis dalla termaglia

Miez schaner han ils affons da termagliera passentau ina bellezia jamna en scola da skis. Ils entscheviders a Murschetg ella cuntrada digl Ami Sabi, ils pli avanzai han gia astgau scuvierer las pistas entuorn il Crap Sogn Gion. Nus engrazien grondamein alla scola da skis Laax per questa grondiusa purschida.

Entginas impressiuns dalla instrucziun e cuorsa da skis dis pignets:

2018 til da latiarnas

Miez december havein nus organisau per l’ emprema gada in til da latiarnas per ils affons dalla termagliera e scoletta da Laax.

Ils affons han zambergiau lur latiarnas communablamein cun lur mussadras. Cun egls tarlischonts han els presentau e menau lur latiarnas atras il vitg.

Avon la Sentupada ha Nadia Cathomas dalla biblioteca Laax prelegiu ina biala historia alla gronda roscha d’ affons.

Turnai al parcadi sper il lag han ils affonets presentau la canzun “vus glischs splendurai” a tuts aspectaturs.

Ina sera ferdaglia, denton cun ina biala atmosfera d’ Advent , che vegn quess ad anflar ina cuntinuaziun igl onn proxim.

Engraziel fetg a Gion Derungs Photography per las bialas fotografias.

2018 – finiziun da termagliera

Suenter in bi onn da termagliera vein nus s’ entupau il zercladur per ina finiziun cun ils affons da tuttas gruppas.

Ils “gronds” han astgau ir tras il tscherchel da finiziun, semtgaus dalla menadra Iris. Nus giavischein ad els tut bien per lur futur en scoletta pintga.