2019 – cuors da cuschinar

Mesjamna, ils 29 da matg 2019

Menu da primavera tier Sändi’s Kochkünste

Tgei porta ei da haver en frestgera in toc filet da bov da qualitad 1A, sch’ins sa buca co preparar el? Las differentas metodas da cuschinar raffineschan las victualias, dattan ad ellas igl aroma giavischau e la consistenza elegida. Nus explichein en quei cuors co ins contonscha entras differentas manieras da cuschinar il resultat optimal.

Nua:                
Domat

Cu:                  
17.00 uras naven da Laax (parcadi sper il lag)
Il viadi cun autos privats vegn organisaus.

Cuosts:           
La taxa da cuors ei dependenta dil diember d’ annunzias.
L‘ uniun surpren ina part.

Prender cun:  
scussal da cuschinar

Nus selegrein sin ina biala e patgifica sera cun Vus.
Annunzias prendein nus bugen encunter entochen ils 22 da matg 2019 sut la nr. da tel. 076/ 375’85’39 (Seraina)
ni gest cheusut el formular:

Bugen s' inscrivel jeu per la suandonta occurenza:

Varianta*

* caum obligatoric




2019 – spassegiada da primavera

Miez avrel 2019 vein nus gudiu las temperaturas migeivlas da primavera en Tumliasca per far ina biala spassegiada naven da Tumegl, sur il lag da Canova ad Almens ed anavos.

activitad da primavera

bowling / dar heighels

Sonda, ils 16 da mars 2019

Miez mars essan nus serendidas el Rock’n Bowl (City West) a Cuera per dar bowling. Beinspert ei semussau che la generaziun che mava gia pli baul a dar heighels veva aunc adina il schlontsch per far enqual “strike”. Ina bellezia sera da cumpignia per giuven e vegl :-).

2019 – cuorsaliunga

Mesjamna sera ils 13 da fevrer essan nus serendidas a Trin Mulin per in cuors da cuorsaliunga.

13 dunnas han cun gronda motivaziun e tschaffen ligiau ils skis graschels vid lur peis e seschau instruir dils dus scolasts ella tecnica da skating e classic. Igl ei stau in grond gaudi :-). Quess vegnan entginas dallas participontas era en futur a seschar veser sin ina ni l’autra loipa dalla regiun.

2019 – jamna da scola da skis dalla termaglia

Miez schaner han ils affons da termagliera passentau ina bellezia jamna en scola da skis. Ils entscheviders a Murschetg ella cuntrada digl Ami Sabi, ils pli avanzai han gia astgau scuvierer las pistas entuorn il Crap Sogn Gion. Nus engrazien grondamein alla scola da skis Laax per questa grondiusa purschida.

Entginas impressiuns dalla instrucziun e cuorsa da skis dis pignets: